የመጨረሻ ቀናት እንክብካቤ
ይህ የህክምና አይነት የፅኑ ህሙማንን ስቃይ ለመቀነስ እና መንፈሳዊ እና አእምሯዊ ድጋፍ ለመስጠት፣ ከፈውስ በላይ ቀሪ ሂወትን ምቹ እና ከስቃይ የፀዳ ለማድረግ የሚሰጥ ድጋፍ ነው::
ይህ የህክምና ድጋፍ እንደ ካንሰር አይነት በማይድን በሽታ ለሚሰቃዩ እና ቀን ለተቆረጠላቸው ሰዎች ርኅራኄ የተሞላው እንክብካቤ በመስጠት ቀሪ የሕይወት ዘመንን በምቹ እና ምሉዕ ማድረግ ላይ ያተኩራል::
ተከታታይነት ያለው የቤት ውስጥ እንክብካቤ
በዋነኝነት በቤተሰብ እና በልብ ወዳጆች የሚሰጥ እንክብካቤ ሲሆን በጤና ባለሙያ ደሞ ወቅታዊ የሆነ ክትትልን ያካትታል::
በባለሙያ የታገዘ ተከታታይ የቤት ውስጥ ሕክምና
ይህ ደግሞ በከፍተኛ ስቃይ ላይ ሆነው በሕክምና ተቋም ውስጥ ለመቆየት ፍላጎት ለሌላቸው ሰዎች በቤታቸው ሆነው በባለሙያ የታገዘ እንክብካቤ የሚሰጥበት ደረጃ ነው::
የተኝቶ ታካሚ አገልግሎት
ስቃዩ በቤት ውስጥ በሚደረግ እንክብካቤ መቆጣጠር የማይቻል ሲሆን ወደ ጤና ተቋም ተወስደው እንክብካቤውን ያገኛሉ::
የእረፍት እንክብካቤ
ተንከባካቢዎችን እረፍት ለመስጠት ታማሚው ተቋም ውስጥ ገብቶ ለአጭር ጊዜ ድጋፍ የሚያገኙበት መንገድ ነው::
አላማችንን ለመደገፍ እና ለመሳተፍ ምልክቱን ይጫኑ
የእርስዎ አስተዋፅዖ መጠኑ ምንም ያህል ይሁን በሚያስፈልጋቸው የካንሰር ሕሙማን ሕይወት ላይ ከፍተኛ ተጽዕኖ ሊያሳድር ይችላል።